НИМАГА ОВҚАТНИ ТАШЛАБ ЮБОРИШ КЕРАК?

АГАР ОЗИҚ-ОВҚАТ МАҲСУЛОТЛАРИГА ТЎҒРИ ЁНДАШСАК, УНИНГ ҚОЛДИҚЛАРИНИ ТАШЛАБ ЮБОРИШГА ҲОЖАТ ҚОЛМАЙДИ. ШУНИНГДЕК, ҲАМЁНИНГИЗГА ҲАМ ФОЙДА БЕРАДИ. БУНДАЙ ТЕЖАМКОРЛИК ОРҚАЛИ АТРОФ-МУҲИТГА ЧИҚАРИЛАДИГАН ЧИҚИНДИ МИҚДОРИ ХАМ КАМАЯДИ.

САҚЛАШ КОИДАЛАРИ

Лиқтўла музлатгичнинг ичида маҳсулотлар тез айнийди. Шунинг учун 2-3 кунлик меню тузиб, фақатгина рўйхат бўйича олиш зарур. Музлат­гичнинг биринчи қаторида тез айнийдиган ва олдинроқ олинган маҳсулотлар сақланиши керак. Ярим кесилган сабзавотлар ва пишлоқларни махсус контейнерларга солиш лозим, шундай қилинса, улар қуримайди ва айнимайди. Ҳар бир музлатгич токчасининг ҳароратини билиш ва шунга қараб маҳсулотларни жойлаш муҳим.

 ҲАР БИР МАҲСУЛОТ ҚОЛДИҚСИЗ

Ҳар бир маҳсулотни қолдиқларсиз ишлатиш муҳим: агарда дудланган гўштнинг "думи” қолган бўлса, пицца ёки баллиқ кўзи қилишга ва контейнердаги ошган озуқани қўшиб ишла­тиш айни муддао. Уларни: шўрва, пицца, рагу, қовурилган тухумнинг ичига солиш мумкин. Кабачки ва сабзи пўстидан духовкада чипслар тайёрлаш мумкин. Цитрус меваларнинг қуритилиб, майдаланган қобиғидан хушбуй зиравор қилиш мумкин. Агарда, майонез банкасининг деворларида юқи қолган бўлса, унга шароб сиркаси ва зираворлар аралаштирса, салатлар учун қайла бўлади.

ЗАҲИРАДАГИ МАҲСУЛОТЛАРНИНГ ҲИСОБИНИ ҚИЛИШ

Эсланг, сиз бир ўрам печенье харид қилгандингиз, аммо у ҳечкимга маъқул келмади. Секин-аста токчанинг бурчагига бориб эсдан чиқиб қолди. Бир кун токчалардан: ёнгоқ, муддатидан ўтиб кетган тешик кулча ва шоколадлар, музлатгичда эса: моғор босган пишлоқ ва очиқ қолиб кетган кетчуп топиб олмаслик учун узингизга қоида киритинг: бир ойда бир мар­та токчалар ва музлатгични тозалаш. Имтиёз сифатида эса - сизга тозалик ва саранжомлик.

ЧЎКАЕТГАНЛАРНИ КУТҚАРИШ

Энг тез айнийдиган маҳсулотлар - бу сутли маҳсулотлари, нон, сабзавот ва мевалар. Агар нон икки кундан бери турган, аммо уни истеъмол қилиш мумкин бўлса, духовкада сухари қилинг. Ачиган сут ёки қатикдан эса нонуштага қуймок; пиширинг. Озгина шалпайган сабзавотларни димланг ёки пиширинг, "эски” мевалардан эса смузи, компот ёки мураббо тайёрланг.

ИККИ КИШИЛИК КЕЧКИ ОВКАТ

Овқат ташламасликнинг энг яхши усули - кераксиз нарса тайёрламаслик. Идеал вариант - овқатни бир марталикка тайёрлаш. Агарда, бир марталик учун икки кишига лавлаги солинган шўрва пишираётган бўлсангиз, сизга 3 литрлик қозон керак бўлмайди. Олдиндан ўлчам миқдорини билсангиз, фақат керак бўладиган масаллиқларни ҳар бир таом учун махсус харид қилишингиз мумкин. Агар, кечки овқатдан ярим коса қолган бўлса, эртага ишхонангизга уй таомини олиб бориш имконига эгасиз. Сахий бўлиш янада ёқимли, масалан пиширган ширинлигингиз билан ҳамкасбларингизни меҳмон қилишингиз мумкин.

ДУКОНГА  ОЧ  ҲОЛДА  БОРМАСЛИК

Кечкурун ишдан қайтаётиб, анча оч қолиб, дўконга киргач, доим кераксиз маҳсулотларни харид қиламиз. Албатта, ҳаммасини ейишга улгурмаймиз, натижада айнийди ва биз уларни ахлатга ташлаймиз. Дуконга оч ҳолда боришни бас қилинг. Маҳсулотларни эса фақатгина рўйхат бўйича, нонушта, тушлик ва кечки овқатни ҳисобга олган ҳолда харид қилинг. Бозордан янги меваларни 1 килограммдан ортиқ олманг. Яхшиси тез-тез янгиларини келтирган маъкул.

                                                                                                  Манба:Зўр тасвир журнали