Пластик “баклашка”лардан ҳашаматли меҳмонхона қурилди

Ва ниҳоят, пластмасанинг зарарлари ҳақидаги оддий суҳбатларни бизнесга айлантира олган тадбиркор пайдо бўлди. Франциялик ишбилармон Эрик Брекер Африканинг Кот-дивуар соҳилларида ажойиб меҳмонхона очди. Меҳмонхона 700 минг дона пластик “баклашка”лардан қурилган. Унинг умумий оғрлиги 200 тоннани ташкил этади. Меҳмонхонада караоке бар, иккита бассейн ва бошқа бинолар бор. Улар орасидаги ўтиш йўллари ёғочдан ясалаган.

Оролда кўплаб дарахтлар, буталар ва гуллар мавжуд. Ичимлик суви Абиджандан келтирилади, электр энергияси қуёш батареялари ёрдамида таъминланади. Бу лойиҳа кўп миқдордаги чиқиндини утилизатсия қилган экотуризмининг ажойиб намунаси бўлди.

Оролда бир кун дам олиш учун 25 доллардан 100 долларгача бўлган хизмат турларидан фойдаланиш мумкин.