“Биз келажак учун жавобгармиз”

Ҳаммамизга маълумки, 2019 йил мамлакатимиз учун улкан сиёсий йиллардан бири ҳисобланади. Чунки жорий йил сўнгида халқнинг ишончли вакиллари бўлмиш Халқ депутатлари вилоят, туман, шаҳар Кенгашларига ҳудудий сайлов округлари бўйича беш йил муддатга сайланадилар. 20-сентябрдан сайловлар компаниясига рухсат берилиши билан партиялар томонидан қизғин тарғибот тадбирлари ўтказилмоқда.

Куни кеча Бухоро вилоят Экологик партияси вакиллари Когон туманида жойлашган “Автохўжалик” корхонасида шундай тарғиботлардан бирини ўтказди. Ўтказилган тарғибот тадбирида корхонадаги ишчи ходимлар ва ёшлар иштирок этишди. 

Ўзбекистон Экологик партияси ёшлар билан кўплаб тадбирлар олиб бормоқда. Чунки келажак ёшларнинг қўлида! Партиямиз шиори эса “Биз келажак учун жавобгармиз!” Шу боисдан ҳам Ўзбекистон Экологик партияси ёшлар учун галаконцерт ва экскурсиялар уюштириб, бу орқали ёшларнинг вақтини мазмунли ўтказишини ташкил этиш билан бирга уларнинг экологик билим-кўникмаларин ошириб келмоқда.

Бухоро вилоят Экологик партияси 

Матбуот хизмати